Eisteddfod Gerddorol Ryngwladol Llangollen

Mae Eisteddfod Gerddorol Ryngwladol Llangollen (“LIME”) yn ymdrechu i fod mor hygyrch â phosibl i bob noddwr. Rhowch wybod i’r Swyddfa Docynnau am eich gofynion penodol wrth archebu eich tocynnau er mwyn gwneud y defnydd gorau o’n cyfleusterau ac i fwynhau eich ymweliad.

Polisi tocynnau ar gyfer cwsmeriaid sydd angen cymorth

Mae yna leoedd yn y prif bafiliwn sydd wedi’u neilltuo’n benodol ar gyfer defnyddwyr cadeiriau olwyn. Mae’r mannau hyn i’w gweld ar y canllaw seddi pafiliwn ar ein system docynnau ar-lein ond dim ond yn uniongyrchol o’r Swyddfa Docynnau y maent ar gael i’w prynu neu drwy ffonio 01978 438319 . Mae hyn er mwyn sicrhau bod y lleoedd ar gael ar gyfer y rhai sydd eu hangen ac yn rhoi cyfle i gwsmeriaid drafod eu gofynion unigol.

Mae gan ddefnyddwyr cadeiriau olwyn a chwsmeriaid eraill sydd angen cydymaith neu ofalwr i gynorthwyo eu hymweliad hawl i docyn am ddim i’r cydymaith neu ofalwr ar ôl dangos prawf adnabod priodol.

Fe’ch cynghorir i archebu’ch tocynnau ymlaen llaw i sicrhau bod y seddi sydd eu hangen arnoch ar gael.

Cyfleusterau

Mae lleoedd parcio penodol cyfyngedig i bobl anabl ar gael ger prif fynedfa Penddol.

Mae’r mynediad i gerddwyr i fynedfa “Town End” ar lethr serth ac nid yw’n cael ei argymell ar gyfer defnyddwyr cadeiriau olwyn.

Mae llwybrau cerdded solet o amgylch y prif safle sy’n addas ar gyfer defnyddwyr cadeiriau olwyn. Mae llwybrau dros dro hefyd yn cael eu gosod ar draws rhannau o’r ardaloedd glaswelltog. Mae’r safle yn agored i’r elfennau ac felly yn cael ei effeithio gan y tywydd garw. Cymerwch hyn i ystyriaeth wrth gynllunio eich ymweliad.

Mae prif fynedfeydd y pafiliwn yn hygyrch i ddefnyddwyr cadeiriau olwyn naill ai trwy fynedfeydd gwastad neu ramp. Mae’r rhan fwyaf o’r stondinau o amgylch y safle yn hygyrch i ddefnyddwyr cadeiriau olwyn.

Mae LIME yn gweithredu car cwrteisi o amgylch y safle sydd ar gael ar gais. Sylwch y gall digwyddiadau ar y maes gyfyngu ar y defnydd o’r car cwrteisi, er enghraifft ar brynhawn Diwrnod y Plant.

Mae croeso i sgwteri symudedd ar y safle.

Mae croeso i gŵn cymorth. Rhowch wybod i’r Swyddfa Docynnau wrth brynu’ch tocyn os ydych yn dod â chi cymorth.

Mae system dolen sain anwytho yn y prif bafiliwn.

Mae toiledau hygyrch neillryw ar gael wrth ymyl y prif floc toiledau a’r llawr gwaelod a’r llawr cyntaf yn y dderbynfa yn y prif bafiliwn.

Yn ystod wythnos yr Eisteddfod mae’r Swyddfa Docynnau wedi’i lleoli yn y dderbynfa yn y prif bafiliwn sydd â mynediad gwastad a chownter lefel isel. Ar adegau eraill o’r flwyddyn lleolir y Swyddfa Docynnau yn swyddfeydd yr Eisteddfod ar lawr cyntaf y prif bafiliwn. Mae mynediad lifft i’r ardal hon o’r brif dderbynfa.

Mae stiwardiaid a phersonél cymorth cyntaf hyfforddedig ar ddyletswydd ar y safle drwy gydol wythnos yr Eisteddfod i’ch cynorthwyo os oes angen.

Mae cyfleusterau newid cewynnau ar gael yn y prif floc toiledau ar y safle.

Mae fersiynau print bras o’n gwybodaeth cyhoeddusrwydd ar gael ar gais drwy ffonio 01978 862000 .

Os oes angen rhagor o wybodaeth arnoch am ein cyfleusterau yna ffoniwch y Swyddfa ar 01978 862000 .