Caeodd Chwarel Dinorwig ym 1969. Heddiw, yn hytrach na llunio wagenni a ffugio rheiliau, mae’r gweithdai’n adrodd stori arbennig iawn: hanes diwydiant llechi Cymru.
Lleolir Amgueddfa Lechi Cymru yn y gweithdai Fictoraidd a godwyd yng nghysgod mynydd Elidir, safle chwarel helaeth Dinorwig.
Yma gallwch deithio i orffennol diwydiant a ffordd o fyw sydd wedi dod yn rhan o fywyd y wlad hon.
Mae’r Gweithdai a’r Adeiladau wedi’u dylunio fel pe bai chwarelwyr a pheirianwyr newydd roi eu hoffer i lawr a gadael y cwrt am gartref, tra bod amrywiaeth o Sgyrsiau ac Arddangosiadau gan gynnwys hollti llechi yn rhoi cipolwg gwirioneddol i chi ar fywyd y chwarel.
