Castell Caernarfon

Mae Castell Caernarfon yn cael ei gydnabod ledled y byd fel un o adeiladau mwyaf yr Oesoedd Canol.

Mae’r palas gaer hwn ar lan Afon Seiont wedi’i grwpio gyda chestyll eraill Edward I yng Nghonwy, Biwmares a Harlech fel Safle Treftadaeth y Byd. Ond o ran maint a drama bensaernïol mae Caernarfon yn sefyll ar ei phen ei hun.

Yma cododd Edward a’i bensaer milwrol Meistr James o San Siôr gastell, muriau tref a chei i gyd ar yr un pryd. Cymerodd y prosiect adeiladu anferth hwn 47 mlynedd yn y pen draw a chostiodd y swm syfrdanol o £25,000.

Ganed y castell allan o ryfel chwerw yn erbyn tywysogion Cymreig. Felly wrth gwrs cynlluniwyd ei llenfuriau anferth a Phorth y Brenin brawychus i wrthsefyll ymosodiad. Ond roedd y tyrau aml-liw, y cerfluniau eryr a’r gwaith maen amryliw yn anfon neges fwy cynnil.